KHUTBAH IDUL FITRI 1434 H BAHASA MADURA

اللهُ اَكْبَرْ (3×) اللهُ اَكْبَرْ (3×) اللهُ اَكبَرْ (3×) اللهُ اَكْبَرْ كبيرا والحمد لله كثيرا وَسُبْحَانَ اللهِ بُكْرَةً وَّأَصِيْلاً لآإِلَهَ إِلاَّ اللهُ وَحْدَه، صَدَقَ وَعْدَهُ وَنَصَرَ عَبْدَهُ وَأَعَزَّجُنْدَهُ وَهَزَمَ الأَحْزَابَ وَحْدَهُ لآإِلَهَ إِلاَّ اللهُ وَلاَ نَعْبُدُ إِلاَّ إِيَّاهُ مُخْلِصِيْنَ لَهُ الدِّيْنُ وَلَوْ كَرِهَ الْكَافِرُوْنَ وَلَوْ كَرِهَ الْمُشْرِكُوْنَ وَلَوْ كَرِهَ الْمُنَافِقُوْنَ. الْحَمْدُ للهِ الَّذِيْ جَعَلَ رَمَضَانَ شَهْرُ الصِّيَامِ لِلْمُؤْمِنِيْنَ وَجَعَلَ عِيْدَ الْفِطْرِ ضِيَافَةً لِلصَّائِمِيْنَ وَفَرْحَةً لِلْمُتَّقِيْنَ، أَشْهَدُ أَنْ لآإِلَهَ إِلاَّ اللهُ وَحْدَهُ لاَشَرِيْكَ لَهُ وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُهُ وَرَسُوْلُهُ صَادِقُ الْوَعْدِ الأَمِيْن، اللهم فَصَلِّ وَسَلِّمْ وَبَارِكْ عَلىَ سَيِّدِنَا مُحَمَّدٍ وَعَلىَ آلهِ وَأَصْحَابِ الْكِرَامِ وَسَلِّمْ تَسْلِيْمًا كَثِيْرًا، أَمَّا بَعْدُ: فَيَاعِبَادَ اللهِ أُوْصِيْكُمْ وَإِيَّايَ بِتَقْوَى اللهِ وَطَاعَتِهِ فَقَدْ فَازَ الْمُتَّقُوْن.قَالَ اللهُ تَعَالَى فِى الْقُرْآنِ الْكَرِيْمِ اعـــــوذبالله من الشيطان الرّجيم قَدْ أَفْلَحَ مَنْ تَزَكَّى . وَذَكَرَ اسْمَ رَبِّهِ فَصَلَّى . بَلْ تُؤْثِرُونَ الْحَيَاةَ الدُّنْيَا . وَالْآخِرَةُ خَيْرٌ وَأَبْقَى

Allahu Akbar x 3, walillahil hamd
Ma’asyiral muslimin wal muslimat rahimakumullah.

Langkong dhimin ngireng beden kaule sareng para ajunan sadeje areng sareng angunjuk aghi rasa sokkor de’ ajunan epon Allah SWT se ka’ dhimmah e saat are samangken ka’dhintoh beden kaule sadejeh ghi’ tetep kaparengan nikmat se cokop rajeh, deri ajunan epon Allah SWT, e antaranah engghi ka’dhintoh Nikmat Iman tor islam. Saenggenah beden kaule sadejeh bisa tuntas alaksana aghi Papakon epon Allah Ya’ni Kawajiban alaksana aghi Poasa ramadhan se Ampon elastareaghi ka’dhintoh.Samoghe poasah tor amal kabusen se laen epon neng ebulen Romadhan tahun mangken ka’dhinto bedhi ekatarema de’ ajunan epon allah SWT. Tor jughen bisa’ah ateddhiyaghi sabab kaangguy bisanah beden kaule sadeje dadhi oreng se Muttaqien sampe’ aher kaodhi’en beden kauleh sadeje.

Jama'ah sholat Idul Fitri rahimakumullah

Ampon deri malemah sampe’semangken alunan soarah takbir, tasbih, tahmid tor tahlil berkumandang sebagai ungkapan rasah sokkor de’ Allah SWT atas kemenangan tor keberhasilan meraih fitroh. Allah SWT adebu:

وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَى مَا هَدَاكُمْ وَلَعَلَّكُمْ تَشْكُرُونَ (البقرة: 185)

“Ben sopaje’eh be’en kabbi magenak bitongnah ben sopaje’eh be’en kabbi ngagungakih Allah atas petotuh se eparengakih de’ been kabbi, supajeeh been kabbi asyokkor.”

           
Jamaah Idul Fitri rahimakumullah 

sa amponah  kaulen sareng ajunan sadejeh ngelaksanaakih pasah romadhan sebulan penuh, maka  atas karunia Allah semangken  ampon depa’ de’ hari  idul fitri, idul fitrih artenah hari se fitroh. Hari raya kesocce’nah manusia. Eareh semangken kauleh sadejeh berhari raya areng-sareng, areh se agung tor moljeh.Maka ampon sepantesah eareh semangken kauleh sadejeh bunga tor seneng, ngeraya’akih kemenangan tor kebungaan sebagai ungkapan sokkor atas limpahan nikmat, rahmat  tor pangaporanah Allah seperte se tersurat dalam sebuah hadis Qudsi:

اِذَا صَامُوْا شَهْرَ رَمَضَانَ وَخَرَجُوْا اِلىَ عِيْدِكُمْ يَقُوْلُ اللهُ تَعَالىَ: يَا مَلاَئِكَتِى كُلُّ عَامِلٍ يَطْلُبُ اُجْرَهُ اَنِّى قَدْ غَفَرْتُ لَهُمْ. فَيُنَادِى مُنَادٌ: يَا اُمَّةَ مُحَمَّدٍ اِرْجِعُوْااِلَى مَنَازِلِكُمْ قَدْ بَدَلْتُ سَيِّئَاتِكُمْ حَسَنَاتٍ فَيَقُوْلُ اللهُ تَعَالَى: يَا عِبَادِى صُمْتُمْ لِى وَاَفْطَرْتُمْ لِى فَقُوْمُوْا مَغْفُوْرًا لَكُمْ

Artenah: “Apabila mereka berpuasa di bulan Ramadhan kemudian keluar untuk merayakan hari raya kamu sekalian, maka Allah adebu: 'Wahai Malaikat sengko’, sabben oreng sealakoh amal kebekusen  mentah belesen, saonggunah sengko’ la nyaporah  oreng jeriyeh kabbi. Maka  bedeh setong seruan se’ ngolok: 'Hai ummat Muhammad, mole’ah been kabbi de’ bungkonah be’en kabbi. Sengko’ la agente’eh kacube’nah been kabbi kalaben kabekusen. Tros Allah ta’ala adebu: 'Hai tang kabuleh, be’en kabbi apasah kaangguy sengko’ ben mokel/abukah kaangguy sengko’, maka jege’eh be’en kabbi sebagai orang yang telah mendapatkan ampunan.” 

Areh semangken beden kauleh sareng ajunan sadejeh ngagungi perasaan bunga tor seneng benni karna bennya’na de’eren ecompok, benni karna bennya’nah obeng otabeh benni karna angguy se anyar, kalambih senyar, kauleh sedejeh bunga karnah berada delem kasoccean abe’ tor kabersean ateh saamponah ngalaksanakih ibede selama bulen romadhon. Rasulallah adebu

Allah ta’ala se maha tengkih awejibakih pasa ramadhan ben sengko’ asunnakih sholat tarawih, maka sapanah oreng se apasah ben atarwih hale ngarep ridha’na Allah maka oreng jeriyeh kalor deri dusah-dusannah seperteh bayi seelaherakih ebunah

اللهُ اَكْبَرْ (3×) وَ للهِ اْلحَمْدُ

Jama`ah Idul Fithri yang berbahagia

Bulen romadhan se ampon berlalu merupakan kawah cadradimuka atau madrasah rohani se edelemah  benyak agedui pelajaran, fadhilah, faidah tor hikmah se kodhu e pahami tor e amal aghi neng e sabeles  bulen se laenah.

Hadireh bulen ramadhon kaenthoh aropaakih momentum alate abe’ kaangguy meningkatkan kualitas hablum minallah dan hablum minannas.

1.    Deri segi hablum minallah, ebulen ramadhan manusia dibebani kewajiban apoasa, sekadimmah poasah Ka’dhinto lakar Kawajiban se menempati ruang khusus dari allah Se ebhide aghi sareng Kawajiban Se laen. Delem hadits qudsi Allah adebu;

الصَّوْمَ فَإِنَّهُ لِي وَأَنَا أَجْزِي بِهِ يَدَعُ شَهْوَتَهُ وَطَعَامَهُ مِنْ أَجْلِي

se arte epon : Poasa jariya andhi’en sengko’ ben sengko’ se bakal agenjer, karena oreng se apoasah jariyah nahan Syahwat, ngakan karana sengko’.

Selaenah kewejiben apasah, gi’ bedeh amal-amal sunnah laenah, akadieh qiyamul lail/sholat tarawih, tadarus al-qur’an, I’tikaf dan amal-amal ubudiyah laenah, sekabbinah amal-amal kaenthoh elaksanaakih sebagai bentuk penghambaan dan taqarrub kepada Allah. Amal-amal kaenthoh elaksanaakih secara rutin siang ben malem, tantonah tonjuen deri pembiasan ibedeh kaentho sopajeh kauleh sadejeh terbiasa ngalaksanaakih amal ibede de Allah esebeles bulen se laenah, seenggeh akan terwujud kesalehan individual e yabe’ kauleh sedejeh.  Bedeh settong Debhu deri sala settong Ulama

 كن ربنيان ولا تكن رمضانين

dediyah ba’na manossa se robbani ban je’dedih be’na manossah se romadhani

Maksotah dhebhu ka’dhinto’  Bedhen kauleh sadeje je’ daddih oreng se ghu’en bisa ghiat alakoh amal ibede e bulen romadhan maloloh namung bedhen kaule sadeje kadhi ponapah se bisa’ah mondhut hikmah deri bulen romadhen se bisa ghiat alakoh amal ibade  e bulen bulen se laen.

2.     Dari segi hablum minannas, kewejiban puasa ebulen ramadhan mengandung pesan social, sekappi’nah oreng pernah arassakih kenyang, tapeh tak sekappi’na oreng pernah arassakih lapar, eboktoh kauleh apasah maka kauleh sadejeh bekal oning kadih ponapah petinah tabu’en oreng selapar, Ibedeh puasa ngajerih kauleh sadejeh untuk memiliki solidaritas social, kepekaan social dan kepedulian social khususah de’ oreng-oreng semiskin.

Ebulen ramadhan jugen kauleh sadejeh disunnahkan mabennyak sodaqoh, karenah sodaqoh se paleng otamah engki kaenthoh sodaqoh ebulen romadhon, akadieh sedebuaki rasul :

عَنْ اَنَسٍ قِيْلَ يَارَسُولَ اللهِ اَيُّ الصَّدَقَةِ اَفْضَلُ؟ قَالَ: صَدَقَةٌ فِى رَمَضَانَ

Dareh  Anas r.a, edebuakih: “wahai Rasulullah s.a.w, shadaqah ponapah se paleng otama?” Nabi s.a.w, ajeweb: “Shadaqah e bulen  Ramadhan".

Sodakoh kaenthoh merupakan amal social yang memiliki keotamaan sareng genjeran se langkong rajah disisi Allah, jugen aropaakih setong amal se bisa masemma’ antaranah se sokki ben semiskin.

Selanjuten saamponah berakhirnya bulan romadhon, tepatnya emalem hari raya kauleh sadejeh jugen diwajibkan mekaloar zakat fitrah khusus kaangguy mapungan ben maseneng oreng-oreng fakir ben misken.

Puasa, shodaqoh tor zakat fitrah bileh amalkan bedih ngibeh kauleh sejedeh menuju  kesalehan sosial.  Delem arti bahwa, kauleh sedejeh sebagai oreng seiman tak keneng coma ngerasaakih kesenangan secara pribadi ben cuek alias tak pedulih de’ kasosanah oreng laen. Kauleh sadejeh koduh memperhatikan tetanggeh, lingkungan, masyarakat sareng oreng-oreng sebedeh esekitar kauleh sadejeh.Oleh karena itu, Rasulullah SAW bersabda:

وَمَنْ لَمْ يَهْتَمْ بِأَمْرِ الْمُسْلِمِيْنَ فَلَيْسَ مِنْهُمْ)  الهيثمي  : مجمع الزوائد ومنبع الفوائد(  

“Rasulullah Saw. bersabda: “Sapanah oreng se tak ejeb de’ urusanah oreng-oreng Islam, maka maka oreng jeriyeh benni termasuk golongan oreng Islam.” (HR. Al-Haitsami)

Edelem hadits laenah Rasulullah SAW jugen mengancam oreng se andi’ se tak peduli de oreng selapar, seperti dalam hadits nabi :

يَا أَنَس مَا آمَنَ بِيْ مَنْ بَاتَ شَبْعَانَا وَجَارُهُ جَائِعٌ إِلَى جَنْبِهِ وَهُوَ يَعْلَمُ.

“Wahai Anas, Tak ekocah iman de’ sengko’ oreng se tedung kenyang, sedangkan tetanggenah kelaparan, sedangkan dia mengetahuinya.”

Ayuhal hadirunah rahimakumallah

E-jeman semangken amal-amal social, kepekaan social antar sesama kaum muslim molaeh lontor, benyak entaranah kaum muslimin se odi’nah nafsi-nafsi tak peduli de’ kasossa’na teretanah sesame muslim, misalah contoh terdekat ebektonah BBM bedih naik, lakar benyak pedagang bensin  se minimbun dagangannya, padahal menorot hokum fiqih menimbun kaenthoh haram, e-bektonah oreng posang ngobengnah bensin maka demi ngaoleh kontongan 2000 rupea oreng bengal carpak, kalaben ngocak sobung, padahal edelem compoknah etimbun,  oreng mulai elang rasa neserah de’ oreng senonton sepedanah karena kehabisan bensin, oreng mulai tak peduli de’ oreng laen demi kesenenganah abe’en dibi’, tantonah hal kaenthon menyalahi ajaran Islam dan sunnah Nabi, padahal Rasul adebu….

 “Sapanah oreng se maelang setong kasossaan  deri setong oreng Islam maka Allah pasteh maelang deri oreng jeriyeh setong kasossaan e-areh keamat. Sapanah oreng se makempang urusannah setong oreng, Allah pasteh makempang urusannah edunnya ben e-akherat. Barang siapa yang menutupi aib seorang muslim, pasti Allah akan menutupi aibnya di dunia dan di akhirat. Allah bekal selalu nolong setong kabulenah selama kabulenah jeriyeh seneng  nolong taretanah”. (HR. Muslim).

Hadirin/hadirat jama’ah Idul fitri se sami Mulje

Deri uraian kaentho bias epahami, bahwa Islam panika agama se agedu’ih du’eh dimensi engki kaentho dimensi vertical/ka ettas/habulum minallah ben dimensi horizontal/kaereng/ hablum minannas/hubungan sesame manossah. Islam benni gun agama secomak mentingagih masalah ubudiyah otabeh urusan ibede saos tapeh jugen agama se menaruh perhatian ka masalah basariyah, hubungan sesame manossah khususah hubungan sesama oreng Islam. Oreng Islam ta’ kengeng coman begus hubungnah de’ Allah tapi cubek hubungna de sasama makhlukah Allah, otabeh sebelikeh begus de’ sasama makhlukah Allah tapeh tak poron ibede de’ Allah. Ajaran Islam tak bisa coma di amalkan separohnya atau sepenggal-penggal tapih n ajar Islam harus emalakih secarah lengkap bagus terkait hubungan de’ Allah otabeh hubungan sesame manossah. Allah ta’ala adebu:

Maso’ah be’en dek agema Islam secarah sampornah

Kauleh sareng ajunan sadejeh kodduh ngelaksanaakih ajaran Islam secara total, tak kengeng coma poron sholat tapeh tak poron makaloar zekat, karnah edelem al-Qur’an Allah mengulang-ulang parentah sholat se gandeng sareng parenta makaloar zakat

وَأَقِيمُوا الصَّلَاةَ وَآتُوا الزَّكَاةَ

Ben lakonih sholat ben pakalor zekat

Kauleh sareng ajunan jugen tak kengen coma poron apasah tapeh tak poron makaloar fetra, karena zekat fetra kaenthon aropaakih satu paket kalaben pasa romadhon, seenggeh manabi oreng tak kelem apetra padahal mampu maka ibedeh pasanah kaenthoh terkatung-katung, eantaranah lange’ ben bumih alias tak etaremah sareng Allah. Rasul adebu:

صَوْمُ رَمَضَانَ مُعَلَّقٌ بَيْنَ السَّمَاءِ وَالأَرْضِ لاَيَرْفَعَ إِلاَّ بِزَكَاَةِ الفِطْرِ

Poasah  Romadhan agentong eantaranah lange’ sareng bumi, tak bisa naik kacebeh makaloar zakat fetra.

Sholat, puasa  enggi panika ibede se berkaitan kalaben hablum minallah sedangkan zakat berkaitan kalaben hablum minas/hubungan sesama manossah. Dedu’we’nah koduh sami-sami elaksanakih.

Selaeno kaenthoh kauleh sadejeh tak kengeng coma poron ngalaksa akih parentanah Allah tapeh melanggar larangnah-larangnah Allah, tak’ kengeng coma poron asholat, apoasah tapi kalakoan se elarang elanggar, dusah-dusah  rajah ekalakoh misalah; ade’er harta seharam deri hasil nipu, ngico’, nyopet, ngorangi takaran/tembengan, ben hasil suap

Edelem al-qur’an Allah ampon adebu:

يَا أَيُّهَا الَّذِينَ آمَنُوا لا تَأْكُلُوا أَمْوَالَكُمْ بَيْنَكُمْ بِالْبَاطِلِ

Hei oreng-oreng se iman je’ ngakanah be’en kabbi de artah-artah eantaranah be’en kabbi kalaben cara bathil

Deri hasil ribe alias mabudu’ pesse.

يَا أَيُّهَا الَّذِينَ آمَنُوا لا تَأْكُلُوا الرِّبَا

Hai oreng-oren seiman be’en kabbi je’ ngakan arta deri pesse budu’en

Edelem ayat laenah Allah lebi teges adebu

وَأَحَلَّ اللَّهُ الْبَيْعَ وَحَرَّمَ الرِّبَا

Demikianlah sebegian dussah-dussah rajah se elarang Allah delem al-Qur’an. Manabi dussah-dusah rajeh ‘kaentho ekalokonih maka bekal ade’diakih amal-amal ibede se ekalakoh tak etaremah sareng Allah.

اللهُ اَكْبَرْ (3×) وَ للهِ اْلحَمْدُ

Hadirin/hadirat jama’ah Idul fitrih se sami Mulje

Intinya ajaran Islam mengajarkan kauleh sadejeh kasaimbangan antara hablum minallah dan hablum minas, tak kengeng kauleh sadejeh coma semangat ibede, asholat, apasah, adakwah tapi melupakan kewejiban menafkahi keloarga, menelantarkan beleh sareng anak, saenggeh beleh korang kasih sayang, anak korang pendidiknah. tak kengeng coman seneng I’tikaf di masjid sampe’ melupakan haqqul adami, hak-hak semasa manussah, se kaemmmah minorot Rasulallah hak Oreng Islam kaentho bedeh lema’ enataranah bila eyonjeng koduh deteng, bila bedeh se sake’ koduh nyapot, bileh bedeh se mateh koduh ta’ziya, kaenthoh merupakah sunnah-sunnah Rasulallah se berhubungan dengan amal-amal social.

Jama`ah Idul Fithri yang berbahagia

Kesimpulan se bisa epontut deri makna romadhon sareng idul fitrih enggi kaentho pertama: Wujudakih kegembiraan sareng sokkor atas keberhasilan ngelaksanaakih ibedeh poasah tor  kesuksesan meraih fitroh kalaben melantunkan pamaosan takbir,tahmid,tasbih tor tahlil e-masjid, e-mushola, e-pokcompo kalaben khusu’ hale tawaddu’/ merendahkan diri dihadapan Allah kalaben ngagungakih kebesarannya benni  mengekspresikan kalaben akonvoi, sambil membawa pengeras dan memutar music-musik disco, kemudian  ajuget eyetas sepeda motor tor  jugen iktilad/acampor lake’ sareng bini’, kaentho benni ekprsesi kemenangan tetapi ekpresi kekalahan de’ gude’en setan tor mengotori kesucian hari raya. Kabiasan kadih kentho harus ditinggalkan karena tidak sesuai kalaben ajaran Islam. 

Kedua : Romadhon aropaakih momentum kaanggui meningkatkan kualitas hablum minallah sopajeh tercapai  kesholehan individu seenggeh ebektoh hari raya kauleh sadejeh benar-benar terbebas dari dosa-dosa yang berhungan dengan Allah ben ebulen sabel ben bulen-bulen laenah ampon terbiasa dengan amal taat de’ ka Allah SWT.

Nomor telo’ : Romadhon jugen aropaakih momentum kaanggui meningkatka kesholeh social karena ebulen ramadhan kauleh sadejeh dilatih untuk memiliki kepedulian social kepada sesame kaum muslimin, dilatih untuk menahan hawa nafsu, dilatih menahan amarah, kebencian, ngerasani oreng, namimah, sareng penyaket ateh laenah  kalaben tujjuennah akan tercipat keharmonisan hubungan sesame maussah.

Hadirin/hadirat jama’ah Idul fitrih se sami Mulje

Manabi semangken Allah ampon nyaporah dusa-dusa kauleh sedejeh terkaet dusa-dusah yang berhubungan dengan Allah, makah selastareh khutbah kaentho nyara kauleh sedejeh saling memaafkan, saleng nyo’on saporah deri dusah-dusah seterkait hak-hak adami otaben hubungan sesame manussah, saling silaturahim, saleng adu’aakih, saling membebaskan sopajeh kauleh sareng ajunan sedejeh benar-benar fitroh, abelih kasocceh lahir batin

اَعُوْذُ بِاللهِ مِنَ الشَّيْطَانِ الرَّجِيْمِ. وَاَمَّا مَنْ خَافَ مَقَامَ ربِّهِ ونَهَيَ النَّفْسَ عَنِ اْلَهوَى فَاِنَّ الْجَنَّةَ هِيَ اْلمَأْوَى. جَعَلَنَا اللهُ وَاِيَّاكُمْ مِنَ اْلعَائِدِيْنَ وَاْلفَائِزِيْنَ وَاْلمَقْبُوْلِيْنَ وَاَدْخَلَنَا وَاِيَّاكُمْ فِى زُمْرَةِ عِبَادِهِ الصَّالِحِيْنَ وَاَقُوْلُ قَوْلِى هَذَا وَاسْتَغْفِرُ لِى وَلَكُمْ وَلِوَالِدَيَّ وَلِسَائِرِ اْلمُسْلِمِيْنَ وَاْلمُسْلِمَاتِ فَاسْتَغْفِرْهُ اِنَّهُ هُوَاْلغَفُوْرُ الرَّحِيْمُ

  KHUTBAH KEDUA

اللهُ اَكْبَرْ (3×) اللهُ اَكْبَرْ (4×) اللهُ اَكْبَرْ كبيرا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ وَالللهُ اَكْبَرْ اللهُ اَكْبَرْ وَللهِ اْلحَمْدُ. اْلحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ لَهُ تَعْظِيْمًا لِشَأْنِهِ وَاَشْهَدُ اَنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى اِلىَ رِضْوَانِهِ اللهُمَّ صَلِّ عَلَى سَيِّدِنَا مُحَمَّدٍ وعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا. اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى وَزَجَرَ.وَاعْلَمُوْا اَنَّ اللهّ اَمَرَكُمْ بِاَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ. اللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ اَعِزَّ اْلاِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ وَاعْلِ كَلِمَاتِكَ اِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! اِنَّ اللهَ يَأْمُرُنَا بِاْلعَدْلِ وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ